Урьдчилсан мэдээ > Улиралын төлөв

Улиралын төлөв

Шинэчлэгдсэн: 2022-05-28 13:39:21

Хүйтэн улирлын уур амьсгалын тойм

Агаарын температур XI сард нутгийн ихэнх хэсгээр -16...-20°C, бусад хэсгээр -8...-16°C хүйтэн байдаг. XII болон II сард нутгийн ихэнх хэсгээр -24...-30°С, бусад хэсгээр -15...-23°С хүйтэн байдаг. I сард нутгийн ихэнх хэсгээр -26...-32°С, бусад хэсгээр -17...-25°С хүйтэн байдаг байна.

Хур тунадас XI сард 2–6 мм хур тунадас ордог байна. Харин XII болон II сард 3–6 мм цас ордог. I сард нутгийн ихэнх хэсгээр 0–2 мм, бусад хэсгээр 2–4 мм цас ордог байна.

2021 оны XI сараас 2022 оны II сарын цаг агаарын урьдчилсан төлөв

Арваннэгдүгээр сард. 11 дүгээр сарын агаарын дундаж температур олон жилийн дунджаас дулаан байх төлөвтэй байна. Харин тус сарын нийлбэр хур тунадас нутгийн ихэнх хэсгээр олон жилийн дунджаас ахиу, бусад хэсгээр дунджийн орчим хур тунадас орох төлөвтэй байна.

Арванхоёрдугаар сард. 12 дугаар сарын агаарын дундаж температур нийт нутгаар олон жилийн дунджаас дулаан байх төлөвтэй байна. Харин тус сард олон жилийн дунджаас бага цас орох төлөвтэй байна.

Нэгдүгээр сард. 1 дүгээр сарын агаарын дундаж температур нийт нутгаар олон жилийн дунджийн орчим байх төлөвтэй байна. Мөн тус сард нийт нутгаар олон жилийн дунджийн орчим цас орох төлөвтэй байна.

Хоёрдугаар сард. 2 дугаар сарын агаарын дундаж температур нийт нутгаар ОЖД–ийн орчим байх төлөвтэй байна. Мөн тус сард нийт нутгаар олон жилийн дунджийн орчим цас орох төлөвтэй байна.